| 人有時係會見到事實而唔想相信。
就好似大家唔想信名人，明星係平常人而成日睇八掛雜志一樣。
可能因為事實同自己想的出入太大，又或者事實太嘔心的醜陋。
今次會係咩呢？
我都想我係諗得太多or諗錯。 |
| |
| 考完會考有咩做呢？緊係找Part time啦。
唉，不過重未找到哦。點好呢？但我點都要七月去台灣！ 琴日去左起點開會。哈，係開會時我同philip的火花大到呀…
笑到甲甲死。好想快點錄音呀！！ 今日去游水，哈！有人望我哦。
不過經過我上次中國先生事件後，原來我係見過鬼都唔怕黑的。
我居然個心好想佢過黎Hi鬼我。哇！你睇我發姣發上腦。撞鬼。 |
| |
| 真的難選擇。
老實說，兩樣都想做！
但我知我唔可以做晒兩樣，一定會做得唔夠好。
真的很想做好主持呢個身份，呢個算是夢想嗎？哈
真的好想係個節目中發揮得好，
發揮那有點小聰明又嘴gelgel又有點任性的那一面。
(其實諗諗下有點似小S) 現左選擇了，希望和你合作順利吧！ |
| |
| 
因為去見Part time的關係，今日去左上環。
雖然見唔成份工，不過比左個機會我去坐一個好耐好耐冇坐的交通工具 - 叮叮電車。
好開心可以一個人坐電車，呢種感覺好好。
慢慢的，有點孤靜又有點浪漫。
那種慢比巴士的慢，同時又比巴士更和周圍的環境有交流。
可能因為佢開大個窗吧。
如果你夠薑或姐飲大兩杯，大可以係叮叮上真接向街上的人講野。
Say 個Hi又得，再唔係問下電話No.，何等浪漫。
車箱內的那種舊又是一種浪漫，
坐係入面不其然會幻想有人會黎答傘，
又或是80年代那種愛情故事。
浪漫得很！有機會要再坐坐。
有拍拖的話就更加要去。 |
| |
| 1:05pm: 你有一個未接電話。(爸爸)
1:07pm: (爸)你今日下午六點得唔得閒呀？
(我)我要補課。做咩事呀。
(爸)冇呀。你呀媽今晚係泰國返香港。六點到。問你接唔接機姐。
(我)唔得啦。要補課。
______________________________________________________________
Gum樣姐係算點呢？突然間飯都未食同我講呀媽返。
重要今晚返下午先講。不如唔好講，直接係我面前出現呀笨。
點好呢。老實講，見真係唔係好想見。
個感覺怪到不得了！
媽媽。
呢個本身應該係好好好親。係最親的親人，
對我黎講同陌生到不得了。
到底黎緊呢段時間我會點呢？我要點呢？
又要扮到好掛住佢gum？真係唔想囉！ |
| |
